ကောင်မလေး....ရေ
အလုပ်ခွင်မှာ.. စိတ်မရွှင်တဲ့အခါ
ငါလေ......
မင်းကို တွေ့ချင်လိုက်တာ.....။
(၂)
တစ်ပတ်မှ အချိန်အနည်းငယ်သာ
တွေ့ဆုံခွင့်ရ...ငါတို့ဘ၀မို့
မင်းကိုသ၀န်တို၊ ဒါကို အပစ်ဆိုချင်တာလား
ကောင်မလေးရယ်.....။
(၃)
သူငယ်ချင်းတွေက.ပြောကြတယ်
မင်းကို “အင်္ဂါနံ” ကြိုးရှည်ရှည်နဲ့ လှန်သတဲ့
သြော်....
ငါ့အဖြစ်ကို သူတို့မသိ၊
ငါလေ..၀မ်းနည်းမိသေးတယ်....။
(၄)
တကယ်တော့...
ငါဟာ...
ကိုယ့်ကိုယ်ကို နဖားထိုး၊
မင်းကြိုးဆွဲရာ ကç ချင်နေတာပါ....။
(၅)
မင်း..ဘယ်လိုပဲ
ပစ်ပစ်ခါခါပြောပြော
ရယ်မောနိုင်အောင်၊ သရုပ်ဆောင်လို့
အုံပုံးဆူ၊ လူမသိ..
ရင်ထဲမှာ မချိခဲ့ပါဘူး.....။
(၆)
အမြဲလိုလို၊ တွေ့ဆုံချိန်တိုင်း
စိတ်ကောက်ခြင်းနဲ့အဆုံးသတ်၊
စိတ်ဆိုးခြင်းနဲ့ တစ်ခန်းရပ်တဲ့အခါ...
(၇)
အဲ့ဒီနေ့ဟာ...
ဘာလုပ်လုပ်အဆင်မပြေ
ငါ့အတွက်...
ပြဿဒါးတွေပါပဲ....။
(၈)
အမြဲလိုလို...အကင်းပါးခဲ့တဲ့ငါ..
မင်းပြောတဲ့၊ ပုံပြင်တွေတိုင်းမှာ...
နစ်မြောနေမိတာ၊ ထူးဆန်းလိုက်တာ.....။
(၉)
အရင်ကဆို..
လူတိုင်းကိုမယုံ၊
သံသယအတွေး၊ မာန်မာနလေးနဲ့
ဆက်ဆံတတ်တဲ့ငါ....
(၁၀)
မင်းနဲ့မှ..
ငါ့စိတ်ဓါတ်တွေ ဂျွမ်းပြန်..
ပြောင်းပြန်လန်ကုန်ပါပြီ...
ကောင်မလေးရယ်.....။
(၁၁)
ကောင်မလေးရေ....
နောက်တစ်ကြိမ်....
ငါတို့တွေ့ဆုံချိန်ကျရင်လေ....
ရန်မဖြစ်ကြေး၊ ပြန်စစ်ဆေးပြီး
နှလုံးသားတေး...ဆိုကြမယ်......။
No comments:
Post a Comment