နေရစ်ခဲ့တော့ကွယ်...
မင်းရဲ့ရင်ခွင်ထဲမှာ
အကြိမ်ကြိမ် နင်းလျှောက်..
ခံစားမှုတွေ ဗြောက်သောက်နဲ့..
တခါတလေလည်း..
ဝမ်းနည်းကြေကွဲ မျက်ရည်ဝဲ..
တခါတလေလည်း..
ကြည်နူးရွှင်ပျ အပြုံးလှတွေနဲ့
ကိုယ့်ဘ၀ရဲ့
တ၀က်မျှလောက်ကို မင်းနဲ့အသုံးချ
ဘယ်တော့မှ မေ့မရဘူး....
ပညာရဲ့ အစ
မူလတန်းဘ၀ကနေ
ပညာရေးရဲ့ အဆုံး
တက္ကသိုလ် တက်နေတုန်းအထိ
မင်းနဲ့ပဲ..လက်တွဲနေရဆဲ.....
လမ်းကလေးရေ....
ကိုယ့်ဘ၀ရဲ့ အမြင့်ဆုံးရောက်ဖို့.
လမ်းများစွာကို လျှောက်ရဦးမယ်....
ခရောင်းလမ်း
ပန်းခင်းလမ်း
ညှောင့်ခလုပ်တွေ အပြည့်လွှမ်းတဲ့
လမ်းတွေကို တွေ့ရဦးမယ်......
လမ်းကလေးရေ...
မျှော်လင့်ထားတဲ့ အနာဂါတ်မှာ
ရွှေအိပ်မက်တွေ ဆုပ်ကိုင်နိုင်ပြီး
မင်းရဲ့ရင်ခွင်တလျှောက်..
ခေါင်းမော့ပြီးလျှောက်နိုင်အောင်
ကြိုးစားရဦးမှာမို့.....
လျှောက်ခဲ့ဘူးတဲ့..လမ်းကလေးရေ.....
နေရစ်ခဲ့တော့ကွယ်..............။
No comments:
Post a Comment