အသက်စွန့်
အိုးစွန့် အိမ်စွန့်
စည်းစိမ်စွန့်လို့
သုံ့ပန်းတစ်ယောက် ဘ၀နဲ့
မင့်ရှေ့မှာ ဒူးထောက်ရမယ်ဆိုရင်လည်း
ငါ ၀မ်းနည်းမိမှာ
မဟုတ်ပါဘူး၊
မင့်ဟာ
ငါ့ရဲ့ အချုပ်အခြာပါ
မင့်ဟာ
ငါ့ရဲ့ သယံဇာတ အရင်းအမြစ်ပါ
မင့်ဟာ
ငါ့ရဲ့ သဘာဝ ရေမြေပိုင်နက်ပါ
မင့်ဟာ
ငါ့ရဲ့ ယဉ်ကျေးမှု
ငါ့ အနုပညာနဲ့
ငါ့ ကိုးကွယ်ယုံကြည်ရာ
ပြီးတော့
ငါ့ရဲ့ နောက်ဆုံးခံတပ်ပါ။
မင့်က
သေနတ်တလက်ဆိုရင်
ငါက
ကျည်ဆံတစ်တောင့်......ပေါ့။
မင့်က
ရှေးဟောင်းရဲတိုက် တစ်လုံးဆိုရင်
ငါက
ဂန္တ၀င် ပန်းချီကားတစ်ချပ်.....ပေါ့။
ဘေဘီ
ချစ်ခြင်းတရားဆိုတာ
ကျိန်စာတစ်ခုဆိုရင်လည်း
မင့်ရဲ့ နှောင်ဖွဲ့ခံ ၀ိညာဉ်ဘ၀က
ငါ ဘယ်တော့မှ
မလွတ်မြောက်ပါရစေနဲ့
သက်ဝေကိုကို
No comments:
Post a Comment