အိပ်မက်စိမ်းပွင့်ပန်ထားတဲ့ တောတန်းလေး
ညတွေရဲ့ မွန်းကျပ်မှုနဲ့ အသက်ရှင်၊
သားဘ၀က နက်ဖန်ဆိုတာမရှိ၊
သားအလှကဗေလုဝနဲ့ ကုသ၀င်စားတယ်၊
သားအချစ်က ဘုရားရှင်ရှေ့ကသစာပန်း၊
` သားကောင်မလေးက ခြေသလုံးမလှဘူး၊
သားဝင်ငွေက သူဖုံးစားထက်ဆင်းဆင်းရဲရဲ၊
သားဝါသနာက မိုးခေါင်ရေရှားမှာ ပွင့်တဲ့ပန်း၊
သားအဖြစ်က ကွန်ပျူတာလို Restoreခေါ်မရတဲ့ အမှားတွေနဲ့
ညဖိနပ်တစ်ရံနဲ့လေလွင့်သူ၊
မေမေရေ.....
မေမေ့အမျိုးတွေက အရောင်တွေနဲ့ လွမ်းဖတ်ကျ
ပန်းပွင့်ရောင်မြှား အထပ်ထပ်နဲ့ ပစ်ခတ်ကြ
သားရဲ့ ကျည်ကာအကျီင်္က ညီမလေး၊
အခုတော့ သားဘ၀က
စိတ်လေးလက်ဝန်ကြီးနဲ့ မပေါ့မပါး
ဘယ်တော့ ဘယ်လို ဖွားမလဲမသိတဲ့ ဒုက်ခနဲ့
သားညီမလေးကိုသတိရတယ်၊
တကယ်တော့ ဘ၀ဆိုတာ
မေမေပြောသလို တောနက်တောင်တန်းပါပဲ မေမေရယ်၊
မေမေရေ...
မေမေ့သားဘ၀လေး ကွန်ပျူတာလို windowကျသွားတဲ့အခါ
သားညီမလေးကို အတင်ခိုင်းပါ၊
မေမေ့သားဘ၀လေး ဆက်သွယ်မှု ဧရိယာအပြင်ဘက်ရောက်သွားတဲ့အခါ
သားညီမလေးကို ဆက်သွယ်ပါ၊
မေမေ့သားဘ၀လေးရဲ့ ခုံတန်းလေး နေညိုသွားရင်
သားညီမလေးနဲ့ တိုင်ပင်ဆွေးနွေးပါ၊
တကယ်ဆို(စင်္ကာပူကို လယ်ထွန်သွားချင်တဲ့သားအတွက်)
စကားလုံးအဆိပ်တက်နေတဲ့ တဲပျက်တစ်လုံးဆိုတာ
ဟောဒီအိပ်မက်တောတန်းလေးပါပဲ မေမေရယ်။ ။
ကေတီဦး (ကိုနေသစ်ရဲ့ အိပ်မက်တောအုပ် ဘလော့ခ်မှ)
No comments:
Post a Comment