ဖွေမလင့် ရှောင်တခင်
လှမ်းခဲ့ပါရှင်၊
ကြွတိုင်းဖြင့် တိုးလို့ကြင်
ဖုန်းသခင်လိုကျ၊
လုံကညာ
ထုံနံ့သာ ပါးမှာသွဲ့မယ်
လှမ်းခဲ့နော် ... ဖျာ့။
ရွှေသစ္စာ နှစ်ဖော်မွေ့တော့
ပျော်သရွေ့ ကမ်းမမြင်၊
ချစ်သွေးနီ ပါးဆီဝိုက်တော့
စုန်းကိုက်တယ်ထင်၊
စိမ်းနုနုရွက်သစ်ပင်
ပိုလို့လွင် ထင်မိ၊
နှုတ်ချိုချို ´အုတ်´ ပျိုပျို ကိုရွှေ `သြ´ က
`ချစ်ဇောတကယ်မွေ့ရင်
ခွဲလေ့မရှိ´ တဲ့။
ပန်းကြူကြူ ရောင်အသွေး
မောင်ရွေးဖို့ ချိုးမယ်ရှင်၊
မောင်မွှေးရာ မာလာနုကို
ယုယပွေ့ချင်၊
မောင့်လိပ်ပြာ ရွှင်ဖို့လျှင်
တောင်စဉ်က လေညင်း၊
ကြံကာစည် ဒဏ္ဏာရီပုံပြင်များနဲ့
မငြီးအောင် မောင့်အပါးက
ရွှေနားတော်သွင်း။
ကိုးတောင်သူ ရေမတွေ့
နွေအသွေ့ ပူတုန်းခါ၊
ဖုန်းကိုကို စကြာထောက်ရင်
မိုးပေါက်စွေရွာ၊
ရှိမ်းမခံ သံမပြီး
စစ်သူကြီး `ဓား´ ပမာ
`လွှား´`ကာ´ တွေပုံပေါ့။
တံခွန်သွင်
ခုနစ်စဉ် အမြီးထောင်မှ
မငြီးအောင် ချိုချိုတေးနဲ့
ချစ်ရေးကို နှုတ်မညှင်းတယ်
သွေးကြဉ်းမှာတော့်။
သစ်ပင်ကြို သစ်ပင်ကြားက
ချောက်ကမ်းပါး မိုးဘုံမြင်၊
ခံတုပ်အို မြေကိုပန်းလို့
သိုက်နန်းရှင် ခြေရာတွေ့အောင်
လိုက်၍ ရှာချင်၊
နားစွင့်လို့ လှိုင်းရေယဉ်
မိုးကြယ်စင် ရှုစား၊
နှစ်သက်အောင်
ချစ်လက်ဆောင် ဘာကိုမက်တယ်
မောင့်ဒါလီ သာကီသက်ကို
မေးမြွက်ပါလား။
အို...မောင်သာ နွဲ့နွဲ့မေးရင်
သဲ့သဲ့လေး ဖြေမယ်ရှင်၊
ထာဝစဉ် ချစ်ရွှင်ပြုံးလို့
သက်လုံးပုံ ယုံပါတော့
ချစ်တယ်နော့ ... ဟင်၊
ကြယ်သောက်ရှုး မြဝေဟင်
မှောင်ဝင်လို့ ကြွေလူး၊
ချစ်စိတ်ဖြာ
ရစ်လိပ်ပြာ နှစ်သွယ်ထုံးလို့
မဆုံးအောင် သံသာကြောမှာ
မျောစို့နှစ်ဦး` လို့။
အို ... မနက်တွေ ညနေချင့်ပါနဲ့
ဖွေမလင့် ရှောင်တစ်ခင်
လှမ်းပါခဲ့ရှင်၊
ကြွတိုင်းဖြင့် တိုးလို့ကြင်
ဖုန်းသခင်လိုကျ၊
လုံကညာ
ထုံနံ့သာ ပါးမှာသွဲ့မယ်
လှမ်းခဲ့နော်....ဖျာ့။
(အောင်သင်း)
ဒီလိုကောင်းတဲ့ ကဗျာလေးတွေ စုစည်းတင်ပြမှု့တွက် ကျေးဇူး။
ReplyDelete