မ

မ

ပြုံးပြတတ်တဲ့လူချင်းအတူတူ
မ အပြုံးက သန့်ရှင်းတယ်

မ
စကားပြောတတ်တဲ့ လူချင်းအတူတူ
မ စကားက နှလုံးသားမှာ အားရှိတယ်

မ
ဆုံးမတတ်တဲ့လူချင်းအတူတူ
မ ဆုံးမစကား
ကျွန်တော့်အမှားတွေကို နည်းပါးစေတယ်

ဟိုကဗျာလေးထဲကလိုပဲ

လူဆိုး
လူမိုက်
အမေ့သား
မမ စိတ်ဆိုးပြလိုက်မှ
လိမ္မာရေးခြားရှိသွားတယ် . . . .

((ထူးအောင်))

မ . . . . . သို့

မ...

နှလုံးသား ယုံကြည်ချက်တွေကို
သေမိန့်တွေ အဖန်ဖန်ချပြီး
ကျွန်တော် တားဆီးနှောင်ဖွဲ့ခဲ့ပေမယ့်
တစ်ခါတလေ
စိတ်အနေစိတ်အတွေးက လွင့်ပါးသွားကာ
ဝေ့ကာဝဲကာ မ အနားမှာ

မ . . .
မာဟာကွန်ယက်ထဲ
အသည်းကွဲဇာတ်လမ်း ပြကွက်ဆန်းတွေထွင်ပြီး
ကျွန်တော့်ကို ဒဏ်ရာတွေ ပေးခဲ့ပေမယ့်
ခွင့်လွှတ်လေအပြုံး ကြည်ဖြူစေနှလုံးနဲ့
ရင်နာလည်း အပြုံးတစ်ပွင့်ကတော့
မ အတွက် အမြဲတမ်းရှိတယ်

မ . . .
အသည်းကိုစား ဘ၀ကိုနင်းသွားလို့
အသွေးအသားနဲ့ ကစားရမှ
မ က ကျေနပ်မယ်ဆိုရင်
ကျွန်တော်ပင်လျင်
ပန်းတစ်ပွင့်အဖြစ်နဲ့
မ ရဲ့ အစေကိုခံချင်ပါရဲ့

((ထူးအောင်))

မမနတ်သမီး

ဘာမှ မဟုတ်ပါဘူး
ရင်ထဲက လိပ်ပြာတစ်ကောင်
အတောင်ဆန့်ကြည့်လိုက်တာပါ

ဝဲပျံရခက် ငြိတွယ်မှုသက်သက်နဲ့
ဟော့ဒီရင်ဘတ်ထဲက
ဘာမှ ထွက်ကျလာမှာ မဟုတ်ဘူး

ချစ်တယ်ဆိုတာထက်ပိုပြီး
ဖွဖွလေး မြတ်နိုးနေတာပါ
စကဒ်ရင်ကွဲတွေ
ကာလာရောင်စုံတွေ ကင်းပ

မ . . .
မတ်တတ်ထလိုက်တိုင်း
ဟော့ဒီရင်ဘတ်ထဲမှာ လှိုင်းခတ်သွားတာ
မ . ရဲ့
ဆံပင်ရှည်တွေကြောင့်ပါ

ဂျနီဖာလိုပက်ထက်ပိုပြီးလှတယ်
မက်ဒေါနားလို ညှိ့အားတွေ ရှိနေဖို့ မလိုပါဘူး
မ . . နဲ့
တစ်ရက်တစ်မနက်လောက် ဝေးကွာနေတဲ့အခါမှာ
အလွမ်းတွေထမ်းပိုးထားရတာ ပင်ပန်းလိုက်တာဗျာ

မ . အပြုံးကို မြင်လိုက်တဲ့အခါမှာ
လွမ်းဝန်ပိနေသမျှ ခုန်ပျံထပြီး လန်းဆန်းသွားတယ်

မ . . .
= ညီမျှခြင်း
ငြိမ်းချမ်းခြင်း တမန်တော်
စိမ်းလန်းရေး နတ်သမီး . . . ။

((ထူးအောင်))

မ . . . ရေ

မ . . . မရှိတဲ့လမ်း

အကွပ်မရှိတဲ့ ကြမ်းလိုပဲ

ပရမ်းပတာနဲ့

လွမ်းစရာကောင်းလိုက်တာ .. . . ။

((ထူးအောင်))

မ နဲ့ ပတ်သက်ရင်

လိုချင်ခဲ့တာ အိုအေစစ်

ရရှိခဲ့တာ နွေကန္တာ

တမ်းတခဲ့တာ မေတ္တာရင်း

အမှန်မှာ သစ္စာယွင်းလို့

မက်မောခဲ့တာ အကြင်နာ

ရရှိခဲ့တာ ရင်ဗလာနဲ့

မြတ်နိုးခဲ့တာ ရင်တွင်းစကား

ကြုံရတော့ မုသားများသာ

ကဲ . . . ဘယ်မှာလဲ ချစ်ခြင်းမေတ္တာ

((ထူးအောင်))

ကြွေတဲ့...လမ်း

မင်းပြုံးရင်...ပျော်တယ်
မင်းမုန်းရင်...ငိုမယ်။
မင်း,ထားခဲ့တဲ့အခါ
ခွေယိုင်ညွှတ်ကျ
မထူမ,နိုင်။

မပြိုင်ဘဲ...ရှုံး
တစ်ကိုယ်လုံး...ကြွေ...
ငါ့ခန္ဓာ မြေမှာ...ပြိုကျ၊
မင်း....လိုမှ
ချိုမြစွာပြုံး၊
ကောက်ယူသုံးစွဲပါဦး
ငါ့॥အချစ်ဆုံးရေ.....။

ပြန်ကောက်ယူတဲ့အခါ
ကြေမွနေတဲ့...ငါ့နှလုံးသား
မင်းအတွက်,
ပန်းကုံးများပါကွယ်။ ။

မောင်လှမျိုး (ချင်းချောင်းခြံ)

မောင်လေးဖတ်ဖို့

အိပ်ချင်မူးတူးနဲ့ နိုးထလာတဲ့ ၅-နှစ်အရွယ် ကောင်မလေးတစ်ယောက်က သူ့မေမေကို မတွေ့လို့ သူ့အဖွားကို မေးတယ်. . . ။ အမေကြီး သမီးအမေရောတဲ့ . . . ။ သူ့အဖွားက ပြောတယ် . . .။ သမီး မေမေက သမီးအတွက် မောင်လေးတစ်ယောက်ကို မွေးပေးနေတယ်တဲ့ . . . ။
မှတ်မှတ်ရရ ဧပြီလမှာ မမအတွက် ဘုရားသခင်က လက်ဆောင်အဖြစ်ပေးလိုက်တဲ့ မောင်လေးတစ်ယောက် လူ့ပြည်ကိုရောက်လာခဲ့တယ်လေ .။ အသားဖြူဖြူ၊ ၀၀ ကစ်ကစ် ချစ်စဖွယ် ကလေးပေါက်စလေးကို ချစ်လိုက်ရ . . .နမ်းလိုက်ရတာ . . . အမောပါပဲ . . . ။

အံ့သြစရာကောင်းတာတစ်ခုက မမက သူ့မောင်လေးအတွက် ကြိုတင်ပေးထားတဲ့ နာမည်လေးက သူ့မောင်လေးနဲ့ နေ့သင့်နံသင့်ဖြစ်နေခဲ့လို့ လူကြီးတွေက ဒီနာမည်ကိုပဲ အတည်ပြု ပေးလိုက်တယ်လေ . . .။
နောက်လေး၊ ငါးနှစ်လောက်မှာတော့ တူတူကစား၊ တူတူရန်ဖြစ်၊ တစ်ခါတစ်ခါမှာ ပျော်စရာကောင်းသလောက်၊ တစ်ခါတစ်ခါမှာတော့ ကောင်ဆိုးလေးကြောင့် စိတ်ညစ်ရတယ်။ ကောင်ဆိုးလေးက တော်တော်ဆိုးတာကိုး . . ။ မိသားစု ထမင်းဝိုင်းမှာ တစ်ချိန်လုံး . . . မမ . . ရေခပ်ပေး . . . မမ . . ရေခပ်ပေး လို့ အမြဲအော်တတ်တယ် . . ။ နင့်ဘာသာ ခပ်ပါလားဆိုရင် ငါလေးတန်းရောက်ရင် ခပ်မှာပေါ့လို့ အမြဲပြန်ပြောတတ်တယ် . . .။

ညစ်ကျယ်ကျယ်၊ ဂျစ်ကန်ကန်ကောင်လေးက မိဘတွေကို စိတ်ညစ်အောင်လည်း တစ်ခါတစ်ခါ လုပ်တတ်သေးတယ်॥။ သူများနဲ့ရန်ဖြစ်ပြီး အိမ်ကို အော်အော်ငိုပြီးပြန်လာတတ်တယ်။ သူ့သူငယ်ချင်းတွေနဲ့ မမကရန်ဖြစ်ရတာလည်းအမော...။ သူဝယ်ခိုင်းတာကိုမ၀ယ်ပေးရင်လည်း သူ့သူငယ်ချင်းတွေကိုကြွားထားမိလို့ အရှက်ကွဲရပါတော့မယ် ၀ယ်ပေးပါတဲ့။ ချည်ပြီးတုတ်ပြီး ပြောတတ်သေး...။ ညဘက်ကို မုန့်ဝယ်ကျွေးခိုင်းလွန်းလို့ နောက်တစ်ခါ မ၀ယ်ခိုင်းတော့ပါဘူးလို့ လက်မှတ်ထိုးပြီး ၀န်ခံကတိပေးရတာလည်း ခဏခဏ । . . .။

မောင်လေးရေ . . . .

ငါ့ဘ၀မှာ နင့်ကို အမှတ်အရဆုံးက . . . ငါ ဒုတိယနှစ် စာမေးပွဲမှာ ၁၆-မှတ်တန် တစ်ပုဒ်ကို မှားဖြေလာလို့ စိတ်ဆင်းရဲနေတုန်းမှာ နင်ပြောတဲ့ စကားလေးတွေပဲ . . .။ အမလေး . . . ၁၆-မှတ်မရတော့ ဘာဖြစ်လဲ . . . ၈၄-မှတ်ကြီးများတောင် ကျန်သေး . . . ငါ့အမ ဂုဏ်ထူး အေးဆေးရတယ် . . .။ ငါ့အမပဲ ပထမရမှာ . . . စိတ်မညစ်နဲ့ဆက်ကြိုးစားတဲ့..။ နင်အားပေးလို့ ကျန်တဲ့ဘာသာတွေမှာ ကောင်းကောင်းဆက်ဖြေနိုင်ခဲ့တာလေ။

ပြီးတော့ တတိယနှစ် (ဂုဏ်ထူးတန်း) ဖြေနေတုန်း ငါက လောဘတကြီးနဲ့ စာတွေကို ကျက်..။ ပြီးတော့ ကိုယ့်ဘာသာ အားမရလို့ ငို . . . ။ ညဘက် ၁၂း၀၀ နာရီလောက်အထိ ဗြောင်းဆန်နေတာလေ . . .။ လူတစ်ကာ အိပ်ပျော်နေတဲ့အချိန်မှာ နင်က မအိပ်သေးဘူး . . .။ ငါစာကျက်တာကို ထိုင်စောင့်ပေးနေတယ်လေ . . .။ အိပ်တော့လို့ ပြောလဲ မအိပ်ဘူး . . .။ နင်အိပ်လိုက်ရင် ငါက ဒီညမှာ အိပ်တော့မှာ မဟုတ်ဘူးတဲ့ . . .။ ဒီညမအိပ်ရင် မနက်ဖြန်မနက် စာမေးပွဲမှာ ဘယ်လိုမှ အဆင်ပြေမှာ မဟုတ်ဘူးတဲ့ . . .။ အရမ်းအိပ်ချင်နေတဲ့ မျက်လုံးကို အတင်းဖြဲရဲ ပြီး ငါ့ကို စောင့်နေတာ . . .။ မမ . . . ငါမအိပ်ဘူးနော် . . .။ ငါလုံးဝ မအိပ်ဘူးနော် ဆိုပြီး . . . အိပ်ချင်မူးတူး အသံနဲ့ ပြောနေတာကိုလည်း ငါအခုအထိ ကြားနေတုန်းပါပဲ . . .။

မောင်လေး လောကရဲ့ မာယာတွေထဲမှာ လမ်းမပျောက်စေနဲ့နော်...။ ကွာဟချက်ဆိုတာလည်း လူလုပ်တာပါပဲ...။ နင့်ကို ငါဘယ်လောက် မျှော်လင့်ချက်ထားတယ်ဆိုတာ နင်သိပါတယ်...။ ကြိုးစားစမ်းပါဟာ။ နောက်ဆုံး လမ်းပိတ်နေတယ်လို့ ထင်ခဲ့ရင်တောင် ...။ ပိတ်ထားတဲ့လမ်းနဲ့ ရန်မဖြစ်နဲ့နော်...။ ငါပြောချင်တာကို နင်သိပါတယ်.။ လူဆိုတာ . . . လူတိုင်း စိတ်ဆိုးတတ်တယ် . . .။ လူတိုင်းက ရန်ဖြစ်တတ်တယ် . . .။ သိလား . ။ မြင့်မြတ်တဲ့ . .ကိုယ့်ကိုယ်ကို ထိန်းချုပ်နိုင်တဲ့ အာဂလူသားတွေသာ . . . သာမာန်လူတွေ မလုပ်နိုင်တဲ့ စိတ်ကို ထိန်းချုပ်နိုင်တာလေ...။ မနိုင်လို့ သည်းခံရတာမျိုး မဟုတ်ပဲ . . ကိုယ့်စိတ်ကို အေးချမ်းအောင် တည်ဆောက်ပါ..။ ကန့်လန့်တိုက်တဲ့ အလုပ်ကို လူတိုင်းလုပ်တတ်တယ်နော်...။ ဒါပေမယ့် သည်းခံပြီး ကိုယ့်စိတ်ကို တည်ငြိမ်အောင်လုပ်ပါနော် . . ။ ငါ့ကို လေ့ကျင့်ပေးနေတယ်လို့ပဲ သဘောထားပါနော် . . .။ အခက်အခဲမရှိတဲ့ လူရဲ့ဘ၀ဟာ ရေစုန်မှာ မျောနေတဲ့ ငါးအသေလို ဖြစ်နေမှာပေါ့ . . .။ ရေဆန်ကို ကူးတဲ့အခါမှာလည်း သက်တောင့်သက်သာနဲ့ ပတ်ဝန်းကျင်ကို ရင်ဆိုင်နော် . . .။ စိတ်ဓါတ်၊ ခွန်အားတွေကို မလိုတဲ့နေရာတွေမှာ ထုတ်မသုံးမိစေနဲ့ . . .။ အကျိုးမရှိတဲ့ . . . ကိုယ့်ကို အကျိုးမပြုနိုင်တဲ့ သူတွေအတွက် မလိုအပ်ပဲ စိတ်စွမ်းအားတွေ မကုန်စေနဲ့နော် . . . ။ လူအတော်များများရဲ့ စရိုက်က သူတစ်ပါးကို မကောင်းပြော၊ အုပ်စုဖွဲ့၊ နှိမ်၊ အဲဒီလိုတွေလေ . . ။ သူတို့ကို ဘာမှ မတုန့်ပြန်၊ ကိုယ့်ဘာသာ မှန်မှန်လေးသာနေပါနော် . . ။ အချိန်တန်တဲ့အခါ အရာအားလုံးဟာ ပြီးဆုံးသွားတာပါပဲလေ . . ။ ကိုယ်ချစ်တဲ့သူဖြစ်ဖြစ် . . မုန်းတဲ့သူဖြစ်ဖြစ် အချိန်အတိုင်းအတာ တစ်ခုအတွင်းမှာ အားလုံးပြီးဆုံးသွားရတာပါပဲလေ . . .။

လေဟုန်ကို ဆန်၊ အမြင့်ကို ပျံ ချင်တဲ့သူတွေအဖို့က ရင်ဆိုင်စရာတွေ သိပ်ကို များပါတယ် . ။ မကြောက်တတ်တဲ့သူ . . စိတ်ဓါတ်ခိုင်မာတဲ့သူ . . သွေးအေးအေးနဲ့ ရင်ဆိုင်တတ်သူတွေက အမြင့်ဆုံးကို တစ်ချိန်မှာ ရောက်ရမှာပါ . . ။ သေချာတယ် . . ။ လောကကြီးမှာ ကြိုးစားနေသူ . .(အထူးသဖြင့် . . ရိုးသားစွာ ကြိုးစားနေသူ) အတွက် ထိပ်ဆုံးမှာ နေရာလွတ်အမြဲရှိနေမှာပါ . . .။ နင် စိတ်သိပ်ညစ်တဲ့ အခါမှာ ဆရာဖေမြင့်ရဲ့ စာသားလေးကို သတိရလိုက်စမ်းပါ . . .။

"ထိပ်ဆုံးသို့ မည်သူမျှ ကြိုးဖြင့် ဆွဲတင်၍မရနိုင်၊ ကြိုးကို ကြာကြာဆုပ်ကိုင် မထားနိုင်သောကြောင့် ဖြစ်သည် . . ။ သင်၏ခြေထောက်များဖြင့် ကိုယ့်အားကိုယ်ကိုး တက်မည်ဆိုလျှင် အမြင့်ဆုံးတောင်ထိပ် သို့ပင်ရောက်နိုင်သည် . . ။" တဲ့ . . . ။

နင်လည်း ဖတ်ဘူးပါတယ်နော် . . . ။ ကိုယ့်ခြေထောက်တွေ ၊ ကိုယ့်လက်တွေနဲ့ ကိုယ့်အားကိုယ်ကိုးပြီး အမြင့်ဆုံးတောင်ကို တက်ပါ . . ။ ထိပ်ဆုံးကို ရောက်တဲ့အခါ ဘယ်သူအကူ အညီမှ မပါလို့ ကိုယ့်ကိုယ်ကို ယုံကြည်မှုတွေနဲ့ ပိုပြီး ပျော်ရွှင်ရပါလိမ့်မယ် . . . ။

ချစ်တဲ့

နင်ပြောတဲ့ နင့်ရဲ့ ကြယ်

မမ

`မမ..ရေ...´

မမရေ
အောင်မြင်မှုတွေကို သိမ်းပိုက်..
နင့်ဘ၀အတွက် အလံစိုက်နိုင်ပါစေ......

အမေမွေးကတည်းက
တစ်ဦးတည်းသော သွေးရင်း...
နင်ဟာ ငါ့ဘ၀ရဲ့....
လမ်းပြကြယ် တစ်စင်းပါ...............

တွေ့လိုက်တာနဲ့
တစ်နာရီပြည့်အောင် မတည့်တဲ့ ငါတို့နှစ်ယောက်..
ခုလို...ငါအဝေးရောက်နေတဲ့အခါ
တမ်းတမ်း..တတ
နင်..ငါ့ကို...
သတိမှ ရရဲ့လား................

ဘ၀ရဲ့လမ်း....
ငြှောင့်ခလုပ်တွေ အပြည့်လွှမ်းလို့....
အားတင်း စမ်းလျှောက်...
အမောဖောက်တဲ့အခါ.....

အခက်အခဲ ဟူသမျှရင်ဆိုင်
ကြံ့ကြံ့ခံနိုင်တဲ့..
နင့်ရဲ့စိတ်ဓါတ်..ခွန်အား
ငါ..ခဏ ယူထားချင်တယ်...........

ခါးသီးမှုတွေနဲ့ တွေ့ကြုံ.....
လောကရဲ့...မာယာတောမှာ
ရင်မောခဲ့ရတဲ့ အခါတိုင်းလဲ
နင့်အနားကို အပြေးသွား.....
နင့်ရဲ့ အားပေးစကားတွေကို ငါကြားချင်တယ်.........

မမရေ.....
နင်ကျင်လည်ရတဲ့ အသိုင်းအ၀ိုင်းနဲ့
ငါကျင်လည်ရတဲ့ ပတ်ဝန်းကျင်....
နည်းနည်းလေးတောင် မဆင်ပါဘူး....

နင်တို့ဆီမှာ......
ပညာရှိချင်း ဥာဏ်အစွမ်းနဲ့
စစ်ခင်းနေတဲ့အချိန်မှာ....

ငါ့ဆီမှာတော့
တစ်ချက်မှားရင်..
တစ်သက်စာ နာကျင်ရမဲ့
ကစားပွဲတွေ ရှိတယ်......

သတိအလစ်မှာ..
နောက်ကျောကို ပစ်မဲ့...
မမြင်ရတဲ့ မြှားတွေရှိတယ်......

သောက်သုံးလိုက်တာနဲ့....
တွေဝေ ငေးငိုင်....
လမ်းကြောင်းပါ ယိမ်းယိုင်သွားမဲ့....
မိုးခါး ၀ိုင်တွေ ရှိတယ်......

မမရေ.....
အမေပေးလိုက်တဲ့ အဖြူရောင်အင်္ကျီလေး....
ငါသေတ္တာထဲမှာ သိမ်းထားပါသေးတယ်....

ငါ့ လောကထဲမှာရှိတဲ့...
လောဘသားကောင်တွေဆီက စိတ်ရောင်စုံတွေကြောင့်...
အဖြူရောင်လေး စွန်းထင်းသွားမှာစိုးလို့...
မ၀တ်ဖြစ်တော့တဲ့ အကြောင်း ....
အမေ စိတ်မကောင်းအောင် မပြောလိုက်နဲ့နော်........

နင်နဲ့ ငါ့ကြားက....
သိပ် မကွဲပြားသေးတဲ့ ကွာခြားချက်...
နောက်ဆို
ကွက်လပ်တွေနဲ့ ပြည့်နှက်လာတော့မယ်.......

လှုပ်လေ မြုပ်လေနဲ့...
နွံထဲမှာ နစ်နေရသူလို...
ကူကယ်ရာမဲ့......
ငါ့ရဲ့ အားအင်တွေလဲ ချိနဲ့လာပြီ..............

တစ်နေ့ကျရင်.....
ငါတို့မိသားစု အတူနေရမယ့်ရက်....
လက်ချိုးရေတွက်ရင်း....
ငါ မျှော်လင့်ချက်လေး တစ်ခုနဲ့ အသက်ဆက်နေပါ့မယ်.......

လောလောဆယ်တော့.....
အခြေအနေ မပေးသေးလို့....
ဒီကဗျာလေးနဲ့ပဲ နင့်ကို ဆုတောင်းပေးလိုက်ပါတယ်.......

မမရေ.....
အောင်မြင်မှုတွေကို သိမ်းပိုက်..
နင့်ဘ၀အတွက် အလံစိုက်နိုင်ပါစေ............................။

(((မောင်လေး)))

ချစ်သူများနေ့ အမှတ်တရ

အဖြေနံပါတ်(၁)

"လေး" လေးနက်နက်ချစ်တတ်သူမို့....
မင်း အပြုံးနဲ့ မ"ညှို့"ပါနဲ့....
ငါ့ရဲ့...
"ရှင်"ဘုရင်..မ ရယ်........

အဖြေနံပါတ်(၂)

ဝေးနေရတဲ့..အချိန်မှာ..
နင်ရဲ့"မောင်" ဆိုတဲ့ ခေါ်သံလေးကို ပြန်ပြန်ကြားယောင်....
ငါ့ရင်ထဲမှာ အလွမ်းတွေနဲ့ မှောင်လိုက်တာ........

အဖြေနံပါတ်(၃)

မင်း အပြုံး တစ်ချက် ရဖို့ဆို....
ရင်နှစ်ခြမ်း ဗြမ်းဗြမ်းကွဲသွားပစေ....
သုံးသပ်ချက်တွေ မလိုပါဘူး...
ကိုယ်က လေးနက်စွာ ချစ်တတ်သူပါကွယ်......
ငါးပါးပဲ မှောက်မှောက် ကိုယ့်ရဲ့ လမ်းတွေလဲ ပျောက်သွားပါစေ....
ခြောက်ခြားခြင်း ကင်းစွာနဲ့....
ခုနှစ်စဉ်ကြယ်လို မင်းအတွက် လင်းမယ့်သူပါ.....
အရပ် ရှစ်မျက်နှာမှာ...
ကိုးကွယ်ရာ ကိုလိုက်ရှာရသလို.......
ရင်ထဲမှာ ဆယ်နေကဲ...
ပူလောင်စွာနဲ့ မင်းကို ချစ်နေဆဲပါ..ကွယ်....

အမှန်

ငါဟာအမှားတခုပါ
ဘယ်တုန်းကမှမမှန်ခဲ့တဲ့အမှားပေါ့
အမှားဆိုတော့အမှားနဲ့ပေါင်းအသင်းလုပ်တယ်

ဒီတော့
အမှားတွေသူငယ်ချင်းဖြစ်ကြ
ဆံပင်တွေကွေးလို့ကောက်ကြတယ်
(သဘာဝပါ)
စိတ်တွေအလျားလိုက်ဖြောင့်တန်းဖို့ခက်လှ
လေပြေတွေသာဝေ့လို့ဝိုက်ကာတိုက်ခတ်ကြတယ်

ငါဟာအမှားတခုပါ
အမှန်တရားနဲ့ပေါင်းသင်းမိရာက
ငါကိုယ်ငါပျက်စီးလို့မှားခဲ့ရတယ်
မြို့ပြကြီးထဲကျမပျောက်ခင်ညခင်းလေးမှာ
မေမေကမှာလိုက်လေရဲ့
''သားလူပေါင်းမမှားစေနဲ့'' တဲ့လေ
မေမေရယ်သားကအမှားတခုပါ
ဘယ်အရာနဲ့ပေါင်းပေါင်းသားကြောင့်မှားရတယ်လေ
မေမေပြောတဲ့အမှန်တရားဆိုတာ
သားရဲ့နောက်ဆုံးမျက်နှာတခုပေါ့မေမေ

ငါဟာအမှားတခုပါ
ပြင်ဆင်ခွင့်မရှိတဲ့အမှားကိုရင်မှာသေရိုက်သွင်းလို့
ဆံပင်တွေသာဖြောင့်တန်းလို့ရှည်လျားကြ
(သဘာဝမဟုတ်ပါ)
လေတိုက်လို့သာငါတို့အသက်ရှုနေကြပြီး
ငါတို့အသက်ရှုဖို့လေတိုက်ရတယ်

ငါဟာအမှားတခုပါ
မနေ့ကဖွင့်ထားတဲ့တံခါးတွေကိုလိုက်ပိတ်နေရင်း
ဖွင့်မရတဲ့မနက်ဖြန်တွေသာစေးကပ်လို့
ငါ့ရင်ကိုလွမ်းကြ

ငါဟာအမှားတခုပေါ့
ဆက်ကာဆက်ကာမှားနေရင်း
ရင်ထဲကဖောက်ထွက်လာတဲ့
သံမဏိနှင်းဆီလေးတောင်အရွယ်ရောက်ခဲ့ပြီ
မှော်မရှိတဲ့အရပ်မှာထွန်းလင်းထားတဲ့
အမှားတခုဟာငါပါ

င်္င်္friday ရဲ့တနေ့တာညများမှာ
မေမေ့ကိုတောင်းဆိုမိတယ်
ပြင်လို့ရမယ်ဆိုမေမေကိုပြင်ပေးချင်တယ်
မေမေဟာအမှားတခုဖြစ်ပြီး
သားဟာအမှန်တခုဖြစ်ရမယ်လို့
ငါဟာအမှန်အတွက်မှားခဲ့ရတဲ့
အမှားတခုပါ။ ။



nelay
((မြန်မာ ကျု့ပစ်ဖိုရမ်မှ ကူးယူဖော်ပြပါသည်))

Old Blog

မြန်မာ ဘလောက်ဂါ တွေ ဖြစ်သန်းခဲ့ရတဲ့ ဘ၀အတွေ့အကြုံတွေ ကို အခြေခံပြီး ရေးဖွဲ့ထားတဲ့ အေးအေးလေး သီချင်းတွေ အများစုပါဝင်ပါတယ်…။ တေးရေးတွေ ကတော့ ကိုမျက်လုံး၊ မင်းယွန်းသစ်၊ ကိုဂေါက်၊ မောင်ခ အော် ရေးရင်းနဲ့ old blog band က လူအကုန် ကုန်ပြီ။ အော် ဘလောက်ဂါတွေ တွေကြုံခဲ့ရတဲ့ အဓိက အဖြစ်အပျက် တွေကို သီချင်း အအေး တွေနဲ့ ဖွင့်ချထားပါတယ်..။ ဘလောက်ဂါတွေလဲ ဒီပို့စ်ကို ၀ိုင်း ကြော်ငြာပေးကြ အုံးနော်..။ စပွန်ဆာက mbs ပါ။ နားထောင်ကြည့်လိုက်ပါ။ တခုခု တော့ ကိုယ်ဘ၀ တစ်ပိုင်းတစ်စ နဲ့ သွားပြီးတိုက်ဆိုင် ချင် တိုက်ဆိုက်နေပါလိမ့်မယ်.။

မြစ်လယ်မှာ ချစ်လှယ်တုန်းက

မြစ်ရေပြင် လှေလူးလို့
ချစ်ဦးမယ်နှင့်မောင်
ပန်းခူးရအောင်။

လမင်းကလှောင် ၊ ကြယ်ရောင်ကပြုံး
ညဥ့်ဦးကဗျာတည်တဲ့
ငှက်ပလီ ချုံနွယ်ရိပ်မှာ
တိတ်တိတ်ကွယ်ပုန်း။

လေအေးကခုန်ပြန်
ကြင်ဦးရင်မှာမှီလို့
ဆိုတေးစီ မြစ်တစ်ကြောမှာ
စိုးတဲ့အသံ။

လှပသည့် ကာရန် ၊ ပန်းမန်မှာနား
လ၀န်းတိမ်မှာကွယ်တော့
မြစ်လယ်မှုန်ဝါး။

လ၀န်းတိမ်မှာကွယ်
မြစ်ယံလယ် မှုန်တ၀ါးမှာ
ရှက်အားကကြွယ်။

တတ်ရေးဆန်းကြယ်
ကမ်းစွယ်ရိပ်အကွေ့
ကြက်သီးတလှိုင်လှိုင်ပ
မယ့်သက်ပိုင်ချို နှလုံးရယ်
ပြုံးတထေ့ထေ့။

ကမ်းဆီကို ၀ိုက်ကွေ့လို့
တရွေ့ရွေ့ စိုက်လာ
ယက်ပန်းကဖွာ ။

ရွာဦးမှာ၊ သာစေတီမြတ်မြင့်မား
ဗျာဒိတ်တလွင်လွင်မို့
လည်ရှက်တင် ပုံတော်သစ်ရအောင်
ချစ်သက်သေထား ။ ။

ကြည်အေး
(တာရာ ၊ အတွဲ ၁ ၊အမှတ် ၅ ၊ ၁၉၄၇)